Ingliz tilini o'rganayotganlarning ko'pchiligi "anchadan beri o'qiyman, lekin natija yo'q" deb shikoyat qiladi. Ko'p hollarda sabab qobiliyatda emas, o'rganish usulida bo'ladi.
1. Faqat grammatika bilan shug'ullanish
Qoidalarni bilish muhim, lekin til — bu muloqot vositasi. Grammatikani gapirish va yozish orqali qo'llamasangiz, u passiv bilim bo'lib qoladi.
2. So'zlarni alohida yodlash
So'zni tarjimasi bilan emas, gap ichida, misol bilan yodlang. Shunda u qanday qo'llanishini ham bilasiz va tezroq esda qoladi.
3. Xato qilishdan qo'rqish
Xato qilmasdan gapirishni o'rganib bo'lmaydi. Har bir xato — keyingi safar to'g'ri gapirish uchun imkoniyat.
4. Muntazamlikning yo'qligi
Haftada bir marta uzoq dars qilish o'rniga har kuni oz-ozdan shug'ullaning. Til ham mushak kabi — doimiy mashq talab qiladi.
5. Faqat bitta ko'nikmaga e'tibor berish
O'qish va tinglash yaxshi bo'lib, gapirish va yozish orqada qolishi juda ko'p uchraydi. To'rtta ko'nikmani ham muvozanatli rivojlantiring.
6. Darajaga mos bo'lmagan material tanlash
Juda qiyin matn ruhni tushiradi, juda oson material esa rivojlantirmaydi. Taxminan 80–90% i tushunarli bo'lgan materiallar eng samarali hisoblanadi.
7. Aniq maqsadning yo'qligi
"Ingliz tilini o'rganaman" — bu maqsad emas. "Uch oyda B2 darajasiga chiqaman" yoki "IELTS'dan kerakli bandni olaman" — aniq maqsad. Aniq maqsad rejani va motivatsiyani beradi.
Eng yaxshi usul — darajangizni aniqlab, unga mos reja bilan muntazam ishlash va natijani vaqti-vaqti bilan tekshirib borish.
Darajangizni bilmoqchimisiz yoki o'zingizga mos yo'nalishni — ingliz tili yoki bolalar uchun ingliz tili — tanlashda yordam kerakmi? Biz bilan bog'laning.